Масажата е најпопуларна помеѓу спортистите и тоа не е случајно. Добриот масер може темелно и длабоко да ја обработи засегнатата мусклулатура и да ги разбие затегнатите места и чворови а воедно и да ги тонизира опуштените мускули. Самомасажата е опција но не е за секој дел од телотот, затоа најдете си спортски масер кој ќе ве заврши работа.

Пливањето делува како еден вид масажа врз телото, бидејќи дава лесен отпор и вашите муслуки без многу напор се движат и воедно се релаксираат низ водата. За да го постигнете посакуваниот ефект, не пливајте на максимум туку со лесни движења одржувајте се во вода, а доволно ќе биде 20-тина минути. Дополнителен терапевтски плус ќе биде ако водата е солена.

Пенаста ролна (foam roller) ќе ви помогне да ја намалите напнатоста во мускулите и да ја намалите болката. Ги разбива болните местата наречени trigger point (чворовите), фасцијата и фиброзираните лузни. Доколку немате ролна, можете да импровизирате со поцврста топка, тениско топче, стаклено шише или некаква цврста туба. Направете неколку сесии дневно и поминете ги сите мускулни групи и задржете се минимум од 30 -60 секунди на секоја мускулна група. Направете наутро, пред тренинг и пред спиење.

Стречингот особено после тренинг или натпревар помага во намалување односно релаксирање на засегнатите делови на телото. Ја забрзува регенерацијата и помага во намалување и превенција од спазам . Задржете ги стречинг позициите од 10-15 секунди.

Ладни и топли облоги се одличен начин како да делувате дополнително воп овој процес. После тренинг ставете ладни облоги на оние делови каде најмногу се акумулирал стресот во текот на вежбањето, зглобови, мускули. направете ледена када или ладен туш на засегнатите места. Ладните облоги ќе ги намалат отоците и воспаленијата. Понекогаш топлите облоги се корисни за да се олеснат болките, и да ја опуштат затегнатата мускулатура. Можете да наравите и топла бања или сауна со што ќе го забрзате процесот на исфрлање на непотребните метаболити и ќе го подготвите побргу телото за следниот тренинг.

Паузите и Сонот се клуч за успехот. Редовните паузи помеѓу тренинзите ќе го направат потребниот баланс помеѓу катаболните и анаболните процеси во телото, кое ќе има доволно време да се регенерира. Сонот е истотака важен, целете кон 7-8 часа спиење за да можете одново да бидете подготвени за сите предизвици за наредниот ден. Навикнете го телото на ритам за да ги темпирате сите биохемиски процеси кој ќе ви гарантираат добар сон.

Внесувајте доволно протеини, за да имате градивни состојки кој ќе ја обноват мускулатурата и сите други структури во телото, јајца, месо, легуминози е храната која треба да ја имате во изобилие зависно од активноста и спортот што го практикувате ви треба некаде околу 70 – 100 грама на протеин дневно кој терба да ги обезбедите од храната или дополнителна суплементација.

Минерали и Витамини се потребни во изобилие, особено Витамин Ц кој е есенцијален во обновата на колагеното ткиво кое е важно во обновата на мускулите. Магнезиумот е минерал кој што делува против појавата на грчеви (спазам) и го забрзува процесот на обнова. Препорачливо е да внесувате 300 мг на магнезиум дневно.

Хидрирајте се постојано, внесувајте вода и течности со електролит кој ќе го одржат вискозитетот и електролитниот баланс во мускулите.