Агилно од агол на T – Тестот
Агилноста е способност на телото брзо да ја менува својата положба, за што е потребна вештина да се обединат во една движечка структура балансот, координацијата, брзината, рефлексите, силата и издржливоста.
Агилноста е од круцијално значење во многу тимски и индивидуални спортови. Агилноста ја покажува способноста на индивидуата брзо да антиципира, реагира, прецепира, експлозивно да ја менува насоката на движење и да исполнува брзи движења во сите рамнини.
Постојат многу вежби и тестови со различна спечифичност за одреден спорт кој што ќе ви помогнат околу усовршувањето на овој сегмент од психо-физичката подготовка.
Т-тестот ја мери способноста на движење во различни правци (латерално-напред-назад) и брзата трансформација од еден во друг правец. Ако го користите овој тест и како вежба изведувајте го во почетната фаза од главниот дел на тренингот, а доколку го комбинирате во некаква тест батерија, позиционирајте го на почетокот за да имате поточни резултати.
Што ви е потребно за изведба
- штоперица (хронометар)
- конуси
- нелизгава подлога
- метро
- загревање најмалку 10 минути со спечифични вежби и динамичен стречинг
- да се запознае со правилата за изведба на тестот
- тестот да го изведе максимално
Изведба на тестот
Поставете ги конусите на раздалеченост како на слика 1. конус А-B 10 метри, конус В-C 5 метри, конус В-D 5 метри. Во латералното движење не треба да се прекрстуваат нозете.
- Стартот се наоѓа на конус А
- На знак на мерачот се активира хронометарот и испитаникот се движи од конус А кон конус В во полн спринт и го допира конусот B со десната рака.
- Латерално се придвижува до конусот C и го допира конусот со левата рака.
- Латерално се придвижува до конусот D и го допира со десната рака.
- Латерално се придвижува до конусот B и го допира со левата рака.
- Наназад трча до конусот А и се запира времето на хронометарот кога испитаникот ќе го одмине конусот А.
- Од 4 мерења се зема најдобрата вредност
- Паузата помеѓу мерењата е минимум 2 минути
Оваа табела е за општа популација и ви дава некаква индикација околу вашата агилност. Вредностите се во секунди
Слабо Просек Добро Одлично
Мажи >11.5 – 10.5 до 11.5 – 9.5 до 10.5 <9.5
Жени >12.5 – 11.5 до 12.5 – 10.5 до 11.5 <10.5