Наслов

Неколку финти за квалитетно да го отстраните целулитот

Може да ги прашате луѓето што е тоа целулит, а како одговор да добиете чудни и нејасни одговори. Вистината е дека повеќето не знаат што точно претставува целулитот и зошто се појавува најчесто во долниот дел од телото на жените... 

Ако сакате да ги измазните своите задници, нозе и стомак, прво треба да знаете дека:

1. Целулитот не е резултат на заробени токсини во телото или слаба циркулација, туку е сало. 

Салото изгледа поинаку поради начинот на кој се складира во овие регии. Кај жените, сврзното ткиво кое ги дели масните клетки во групи и го поврзува масното ткиво со кожата има форма на саќе за складирање мед, па затоа, кога салото ќе се зголеми се појавуваат испакнатини. Мажите немаат целулит бидејќи нивното сврзно ткиво се поврзува хоризонтално во мрежна структура која превенира испакнатини или вдлабнатини. 

Промените прво настануваат поради промена на ткивото кое со тек на годините се задебелува, а кожата станува потенка (Па затоа и повеќе се познава). А второ, бидејќи просечната жена во секоја декада губи околу 2 килограми мускулна маса и го заменува со 6 килограми сало. Според професорот по дерматологија на Колумбија Универзитетот во Њу Јорк Сити, Џефри Склар, ” За да се ослободите од целулитот, вие треба да ги редуцирате депоата со сало и да ги замените со многу повеќе мускулно ткиво”.

2. Нема да се ослободите од нерамнините на вашето тело со тоа што ќе се мачкате со некој чудесен гел, лосион или крем.

Затоа, прекинете да ги користите, бидејќи некои од нив всушност ја влошуваат состојбата. 

И покрај фактот што постојат огромен број препарати наменети за отстранување на целулитот, без разлика колку се скапи, ниеден од нив не може вистински да го отстрани. Целулитот не е проблем на кожата. Тоа е внатрешна промена на структурата која единствено може да се промени ако се активираат атрофираните мускулни влакна директно под местата со целулит.

3. Ризичните и скапи медицински-спа третмани можат само да ја намалат вашата сметка во банка, но не и вашиот проблем со целулитот.

Болни, опасни и непријатни услуги од ендермологија до body-wrapping се покажаа како тотално неефективни кога се работи за третирање на целулитот.

Но маркетиншките финти дозволуваат овие услуги да бидат паметно изрекламирани на ”очајни” жени кои што по секоја цена сакаат да го отстранат ефектот на портокал од нивните проблематични регии.

4. Неатрактивните нерамнини познати како целулит не секогаш се генетски наследени и ако веќе ги имате, вие НЕ сте засекогаш заглавени со нив.

Погрешното верување дека кога целулитот е генетска предизпозиција не може да се отстрани само ќе ве обесхрабри. Затоа, не верувајте му на овој исказ.

Овој мит најчесто се шири преку ”комшиски муабети”, а многу жени веруваат во него. Особено ако не го нашле ефективниот начин да го отстранат целулитот.

Да, често ќе видите мајка и ќерка со целулит на нозете. Тоа едноставно значи дека двете жени не нашле начин како да ги подигнат, тонизираат и израмнат мускулните слоеви под масните наслаги и поради сличните навиките на хранење. 

5. Можете да се ослободите од целулитот без разлика на вашата возраст време на појавување.

Бидејќи целулитот е проблем со мускулната структура и масните наслаги, таа може да биде поправена со едноставни вежби кои ги таргетираат овие регии.

Овие движења можат да ги практикуваат сите жени, без разлика на возраста и нивото на физичка спремност. И нема разлика дали целулитот се појавил во раните тинејџерски години, по бременоста или по менопауза, тој сеуште е проблем на структурата на ткивото и масните наслаги складирани во него.

6. Единствениот докажан метод за перманентно отстранување на целулитот е со серија на едноставни, но специфично таргетирани движења на долниот дел од телото и стомакот.

Овие специфични движења се фокусираат на подигање, оформување и тонизирање на мускулите, кои ќе притискаат кон површината на кожата и ќе го вратат мазниот, цврст и секси изглед, додека воедно се согоруваат вишокот масти.

Таргетирани вежби и здрава исхрана се правиот начин како жената може да го доведе телото во форма, без целулит на критичните зони. И ако се случи да наталожите повеќе масти, тие ќе бидат потрошени како гориво за мускулите.

Кога веќе ги знаеме овие работи, може да прејдеме на конкретното, односно на вежбите. 

Тренажниот процес е поделен во 3 дела, а се работи 3 пати неделно по 20 минути. Толку.

1. Кардио. Загревање со 2 минути одење со средна брзина, возење точак или качување скали. Интензитетот се зголемува во времетраење од 8 минути. Вежбајте доволно интензивно за да се задишете, но да бидете во состојба да изговарате непрекинато кратки реченици. Намалете го интензитетот и стабилизирајте се 2 минути. 

2. Сила. Направете ја секоја од следните вежби подолу, користејќи тежини колку да ги заморат мускулите. Вашите мускули се заморени кога се чувствувате дека не можете да направите уште едно повторување. Кога веќе ќе можете лесно да направите 15 повторувања, за нијанса зголемете ја тежината. Работете полека, броејќи 2 секунди кога подигате и 4 секунди кога спуштате.

3. Флексибилност. По секој силов тренинг, треба да ги истегнете мускулите кои сте ги работеле. Истегнувајте се еднаш со задржување од 20 секунди. Доктор Вестокот открил дека со ваков стречинг можете да ги зголемите резултатите од силовиот тренинг за 20%.

Предлог вежби во комбинација со истегнување...

Чучњеви со тегчиња

Застанете исправено со стол позади грб и со стапалата раздвоени во ширина на рамената. Тегчињата држете ги покрај себе. Со исправен грб, клекнете како да седнувате на столот. Не ги придвижувајте колената нанапред. Застанете пред да го допрете столот, а потоа подигнете се во првобитната положба.

 

Потоа истегнете се. Легнете на грб, со испружени нозе. Користете ластик, ратеглива крпа или јаже да ја повлечете ногата кон градите. Не го виткајте коленото.

Исчекор

Застанете исправено и направете чекор напред со едната нога. Коленото треба да биде под агол од 90 степени со подот, а грбот треба да биде исправен. Вратете се во првобитната позиција и повторете со другата нога.

 

 

Потоа истегнете ги квадрицепсите. Застанете исправено, фатете ја едната нога и нежно притиснете ја кон задникот. Повторете со двете нозе. 

Напреден степ

Користете го степерот за аеробик или обичен степер или нешто што може да го замени и додека ги држите тегчињата, започнете ја вежбата со двете нозе на степерот. Симнете ја прво едната нога, но пред да го допрете подот, притиснете со другата и вратете ја назад. Повторете една серија на лева и една серија на десна нога. 

 


Потоа истегнете се. Легнете на грб со испружени нозе и наизменично повлечете го коленото кон градите.

Ножички со отпор

Врзете растеглива лента (ластик) лабаво над колената. Легнете на грб со рацете покрај телото и кренете ги нозете исправено баш над вашите колкови. Нозете треба да ви бидат раширени колку да не ви се измести лентата. Раширете ги нозете додека не почувствувате доволно тензија, а потоа вратете ги во првобитната положба.

 

Потоа истегнете се. Легнете на грб и дигнете ја ногата така што глуждот ќе ви дојде на коленото на другата нога. Потоа повлечете со рацете фатени позади нога кон вашите гради. Сменете страни. 

Контрахирање на внатрешниот дел од бедрата

Легнете на грб со рацете покрај телото. Свиткајте ги колената и подигнете ги нозете под агол од 90 степени. Пилатес топката наместете ја меѓу колената, а стапалата нека ви бидат во флекс. Полека притискајте со нозете против отпорот што ви го дава топката. Кога отпорот ќе стане преголем, задржете 3 секунди и вратете се во првобитната положба.


Продолжете со истегнување во положба на пеперутка. Седнете со споени стапала, а раздвоени колена и наведнете се понапред од колковите.

 


Во зависност од вашата физичка подговеност, можете да додадете дополнителен број на серии и повторувања. Можете да започнете со 1-2 серии и 15 повторувања, а понатаму да ги зголемувате до 3-4 серии и 20-25 повторувања. Пожелно е оваа програма да се практикува минимум 8 недели за да се забележат резултатите. 

Извор

19 Март 2014

За авторот