Ќофтиња од тиквички
Подготвувачот го советуваме за време на пржењето да се заклучи во кујна, бидејќи кој како влегува со по едно ќофте во рака излегува.
- 2 средни млади тиквички
- 1 јајце
- 1 главица кромид
- Китка магдонос
- 100 грами ‘ржено брашно
- 100 грами сирење
- Зачини и масло за пржење
Подготовка
1. Тиквичките се лупат и се рендаат крупно, кромидот исто така се ренда, се посолуваат и со рака се истискуваат од вишокот течност.
2. Во длабок сад се соединуваат сите состојки и се замешува густа смеса.
3. Со голема лажица се зема од смесата (таа нека ви биде дозер) и се формираат ќофтиња.
4. Маслото убаво загрејте го. Испржете ги кофтињата од двете страни додека да позлатат.