Долго време војуваме со мастите и јаглехидртите и „штрајкуваме со глад“ кога станува збор за овие две намирници. Но всушнот и двете се подеднакво важни како и протеините и се задолжителни кога станува збор за здрава исхрана. 

Проблемот настанува кога најголемиот дел од диетата диета се заснова врз процесирани јаглехидрати, како леб, колачи, чоколади, шеќерчиња, газирани пијалоци, кроасани, кифли, лиснати теста, чипсови, тестенини. Тогаш доаѓа до афектирање на ендокриниот ситем и пореметување на лачењето на инсулинот. Со тек на време, ова може да доведе до сериозни последици.

И токму заради претходно наведеното некои од нас решаваат да се збогуваат со јаглехидратите, а со тоа да се лишат од една здрава и основна намирница. И тоа е во ред, додека таа војна ве држи подалеку од колачињата и слатките, но избегнувањето на храна со висок гликемичен индекс (освен ако не боледувате од шеќерна болест) малку ни ја затскрива големата слика.

Морковите на пример имаат среден гликемичен индекс, исто и компирот. Но од друга страна овие две намирници имаат пренизок индекс на гликемично оптоварување, што значи дека стандардната порција од овие зеленчуци и не е толку полна со јагленихидрати, па речиси воопшто нема да ги дисбалансира нивоата на шеќер во крвта.

Истото важи и за бананите и слаткиот компир. Луѓето што вежбаат често ги избегнуваат скробните оброци, а посегнуваат по нутритивно празните тестенини. Она што не го добиваат во овој случај се заситувачка количина на диетални влакна, витамини и минерали, кои ако се искомбинираат со протеини и здрави масти, се сумираат во одлично искомбиниран и избалансиран оброк.

Поука: Бирајте ги јаглехидратите според нутритивната вредност, а не според гликемичниот индекс и секогаш консумирајте ги стратешки. Сензитивноста на инсулин е највисока наутро и веднаш после вежбање, па фокусирајте се здравите јаглехидратни оброци да ги сместите рано наутро, за најголем дел од нив да се согори за енергија, а по вежбањето за обнова на гликогенските резерви. Колку сте поактивни, толку почесто можете да се почастите со ваков оброк.

Ако се држите до добар тајминг и консумирате минимално процесирани, полнозрнести јаглехидрати, нивоата на шеќер во крвта ќе се израмнат, а телото ќе ви биде благодарно за енергијата што ја добива.