Наслов

Мирческа и Бафтири финишираа на Ултра Треил ду Мон Блан 2019

Го имаме вториот женски финишер на една од најпознатите светски трки во планинско трчање. 

Мери Мирческа од Прилеп која овој викенд беше дел од 2500-те учесници кои ја стартуваа планинската трка во должина од 171 км - Ултра Треил ду Мон Блан успеа да финишира и со тоа да стане втората жена од нашата држава која го направила овој подвиг. 

Мирческа на стазата која минува низ три држави, 171 километри и 10000 висински метри, односно прави целосно обиколување на масивот Мон Блан финишираше со време од 42 часа и 13 минути и се пласираше на 904 место во генерален пласман а 65 во женски ранк. 

Заедно со неа од Македонија оваа година учествуваше и Александар Стојкоски кој не ја заврши трката CCC - долга 100 километри и 6100 метри висинска разлика со старт во Курмајер до Шамони. Тој се откажа на 40-тиот километар во населеното место Ла Фули - веднаш по минувањето на највисокиот превој Гран Кол Ферет.

На истата трка, пак, тетовчанецот кој живее во Норвешка, Бурим Бафтири, успеа да ја финишира трката за време од 21 час и 12 минути. 

Ненад Лазиќ кој живее во Битола истотака учествуваше на една од трките на повеќедневниот настан УТМБ - на трката TDS тој не успеа да финишира поради повреда и се откажа на 92 километар во Бофур. 

Најзначајни резултати на овој светски ултрамаратонски настан со оглед на тоа што нашите настапи се екстремно ретки и со оглед на тежината, комплексноста и повеќегодишната посвета и жртва која треба да се даде за да се финишира оваа трка се сите досегашни: 

2012 година - пионерски настап за наши учесници иако на скратена траса на УТМБ цирка 110km (поради лошо време) 

Трајче Панковски 24:50
Жикица Ивановски 17:17

2014 година - УТМБ 168км 9800 D+

Светлана Стојаноска 44:59 - прва жена од Македонија
Жикица Ивановски 31:46 - најдобро време од Македонија
Јовица Јованчев 32:46

2015 година - CCC 101 6100 D+

Дејан Крле - 25:34

2018 година - УТМБ 171км 10000 D+ *со промена во последното искачување на La Tête aux Vents

Жикица Ивановски 35:38 
Игор Јовановски 35:38
Игор Пирковски 35:38

2019 година -  УТМБ 171км 10000 D+ (целосна патека) 

Мери Мирческа 42:13 - најдобро женско време 

CCC - 101km 6100 D+

Бурим Бафтири 21:12 - најдобро време на CCC

Погледнете го видеото и атмосферата од овогодинешното издание на УТМБ

Сите резултати од трките можете да ги најдете тука - https://utmbworld.com/ 

02 Септември 2019

За авторот