Во само една недела откако се објавува огласот за вработување во идната Старбакс кафетерија која е планирана за изградба во националниот парк Јосемити, 15000 луѓе ја потпишуваат петицијата во знак на незадоволство за овој проект. Петицијата е насочена кон самиот Национален Парк со цел да се блокира изградбата на кафетеријата. 

Во петицијата се наведува дека ваквиот тим на корпорации и компании немаат место во националните паркови поради повеќе, многу нормални и јасни причини. Најосновно, би се нарушила и изгубила целата суштина на природата и паркот, а градењето на вакви објекти може да ја отвори вратата и за други, што би го донел целиот хаос на урбаните места во едно уникатно место на природата.

Досега петицијата ја имаат потпишано скоро 21000 лица, што е 5000 потписи повеќе од потребните 15000 за истата да се поднесе. 

Засега во дел од националниот парк веќе има неколку продавници, една бензинска пумпа и тезги за сувенири и подароци кои нудат сосема доволно за туристите. Сепак, влегувањето на еден голем бренд од типот на Старбакс може да ги „отвори” апетитите на многу други големи корпорации во заштитеното подрачје.