Прв меѓународен турнир во женско борење „9ти мај”
Изминатиов викенд во ОУ „Братство” во Скопје се одржа првиот меѓународен турнир во женско борење „9-ти Мај” на кој земаа учество претставници од Србија, Бугарија, Косово и Македонија.
Турнирот беше од промотивен карактер со цел развој и унапредување на социјалната кохезија меѓу младите. Промоција на социјалните, етичките и моралните вредности, како и создавање на услови и можности за учество во олимписката спортска дисциплина – женско борење.
Организаторот на овој турнир ПБК „БЕЗБЕДНОСТ” изјави дека ваквите настани се неопходни за враќање на масовниот, квалитетниот и врвниот спорт борење и токму затоа ќе се труди турнирот “9-ТИ МАЈ ДЕН НА ЕВРОПА” да биде препознатлив бренд за женското борење.