Можеби ќе се запрашате дали овие толку мали мускули се важни и дали истражувањата покажуваат позитивен резултат кога е во прашање нивниот тренинг и перформансите на спортистите. Една статија од Journal of Strength and Conditioning оди во прилог на оваа тема. Таму се  набројуваат дваесетина студии која ја обработуваат оваа тематика (тренинг на респираторната мускулатура).

Првото прашање кое се задава во сите студии е дали, ваквиот тренинг има позитивно влијание врз перформансите на спортистите. Заклучокот е позитивен, и ја покажува значајната разлика во перформансите кога ваквиот тип на тренинзи е спроведен. Иако во литературата може да се сретнат и спротивни мислења.

Пример е група на велосипедисти кој поминале дистанца од 20 и 40 километри со 65 до 114 секунди побрзо време откако шест недели тренирале програма за сила на респираторните мускули. Слични резултати се покажале и во студии за групните спортови, иако генерално гледано се направени помалку истражувања за нив.

Овој  тренинг е фокусиран кон мускулите кој учествуваат во вдишувањето и активното издишување (дијафрагмата, надворешните и внатрешните меѓуребрени мускули, скаленскиот мускул, стерномастоидеус и дел од абдоменалната преса).

Доколку се практикува ваквиот тренинг изолирани, со сигурност ќе се зголемат аеробните ензими на засегнатата мускулатура и ќе се подобри нивната издржливост и снага. Овие мускули по ништо не се разликуваат од останатите, па затоа и за нив важат истите принципи.

Зошто тренинг на респираторната мускулатура?

За време на вежбањето потребата за кислород се зголемува и затоа почнуваме да вентилираме поголем волумен на воздух. Ова придонесува целата засегната мускулатура да работи на многу поголемо ниво со прецизна координираност. Како што метаболизмот се зголемува овие мускули треба да останат во чекор со потребата на целото тело затоа што неговата ефикасноста е во взаемна врска токму со овој процес.

Освен што оваа мускулатура е во адаптација во секој еден тренинг, особено во оние каде се бара издржливост, треба да се изведува и изолирано вежби, а не само како пропратен ефект од некаква друга насочена активност.

Пример – вежби со кој се прави зголемена вентилација (длабоко дишење со голема ампитуда) во продолжен период  најмногу ќе придонесе кон подобрување на издржливоста на овие муслули.
Со дишење наспроти отпор – мембрана, цевка со мал дијаметар, кој што има иста насоченост како и тренингот со тегови на дадената мускулатура.

Постојат повеќе модерни направи кој ќе ви помогнат во овој вид на тренинг. Дел од нив се насочени да го ограничат ширењето на градниот кош при голема вентилација, и со тоа да ги стават респираторните мускули на тест. Други пак, да го зголемат отпорот при дишење со различни направи кој го огранучуваат дотурот на воздух.

RespiBelt

Elevation Training Mask

POWERbreathe

RespiRight