Седењето на подолг временски период се поврзува со ментален замор. Ако работата ви е врзана за биро и поминувате повеќе часови пред компјутер, некаде во текот на денот сигурно целосно ја губите концентрацијата и ви се потребни барем неколку минути лево-десно низ канцеларијата.

Истражувањата покажуваат дека само неколку вежби за некоја голема мускулна група, како на пример нозете, значително го подобрува менталниот перформанс во наредниот период. Кога вежбате нозе всушност го вежбате и мозокот. Со силната мускулна контракција на нозете ја подобрувате циркулацијата, а со тоа и исхраната на мозокот.

• Се смета дека англискиот романтичар Вилијам Вордсворт, дел од своите поеми ги смислил “на нога” за време на неговите долги прошетки. Постои уште една долга низа на креативци кои тврдат дека најдобрите идеи ги добиваат додека се физички активни.