Сврти до обликуван стомак
Време е да ја дувнете прашината од хулахопот. Овој малку подзаборавен реквизит е смртоносен удар за гумата околу стомакот и одлична временска машина на кратко да се вратите во детството.
Ем забавно, ем одлично за топење, хулахопот воопшто не е тешко да се совлада, па дури и за оние најмалку координираните девојки. Секој може да врти, само ако има желба и секако време, сепак вежбањето е најлесен начин да се совлада било која техника.
Што ви е потребно? Хулахоп, било каков, иако колку е потежок толку полесно се контролира и има подлабок ефект врз мускулатурата. Облеката е препорачливо да биде потесна, но нешто удобно ќе заврши работа. Поширок простор или природа, малку музика и забавата може да почне.
Хулахоп експертите велат дека ова е слично на возење велосипед, ќе ви треба малку време додека да си го пронајдете ритамот ама потоа нема сопирање. Во продолжение неколку гифови за почетничка хулахоп рутина…