Според Ryan Andrews, тренер и нутри советник во Precision Nutrition луѓето се уште прават грешки во некои клучни моменти кога станува збор за протеините, кои имаат огромен импакт врз мускулната маса и нутрицијата. Ова се некои од најчестите заблуди кои луѓето ги имаат за протеините…

Потребните протеини за цел ден може и треба да се внесат само со еден оброк.

– Да, може, но далеку од треба. Резервата на телото за протеини е помала за разлика од онаа на јагленохидратите или мастите, па затоа е потребно да се внесуваат по малку протеини повеќе пати во денот, за правилно да се искористат. Значи еден огромен стек на крајот од денот е лош избор кога станува збор за задоволување на дневната потреба од протеини.

Мора да консумирате протеини од анимално потекло за да навистина ги задоволите потребите на телото.

– Далеку од вистина. Растенијата ги содржат сите потребни аминокиселини, само во различни количини и застапеност. На пример, протеините и аминокиселините што ги има во еден стек, се еднакви на протеините и аминокиселините во една мешавина од легуминози, зеленчуци, семки. Тука спаѓаат лененовото семе, чијата, семките од тиква и сончоглед, леќата, гравот, индиските ореви. По малку од овие во текот на денот ќе ви даде добра доза протеин.

Од протеини никогаш не е доволно.

– Вишок од било кој макронутрициенс може да ве доведе до вишок непосакувани килограми. Сепак тешко е да се прејадете од протеински набилдана храна како јајца или месо, а делку полесно од високо процесирани јаглехидрати. Ако сте активни во текот на денот и вежбате често, како водич земете ја количината од 1.5 грами протеин на кг телесна тежина, тоа ќе ви биде доволно за супер мускулна маса.

Првото нешто после тренинг е да се напиете протеински шејк.

– Оваа идеја е заснована на анаболичниот момент после тренинг, кога телото е како сунѓер за сите нутрициенси за да ги надополни осиромашените гликогенски депоа и да престане разградбата на протеини, а да започне протеинска синтеза. Всушност најновите истражувања покажуваат дека дури 2 часа по вежбањето телото е отворено за надополнување и отпочнување на процесот на опоравување. Освен тоа, поважна е вкупната равенка на протеини што ќе ја внесете во текот на денот, отколку една ударна доза веднаш по излегувањето од теретана.

Тешко е да се консумираат доволно протеини дневно.

– Напротив полесно е отколку што мислите. Само треба да бидете креативни. Хумусот или сосот од легуминози се богати со протеини, а одлични како додаток или макало. Секое јадење може да добие пофенси изглед, вкус и протеинска тежина ако му додадете семки од тиква, сончоглед или лен или пак заменете дел од брашното со протеински прав во следните мафини.