Шлемот, односно фузијата на стандарден велосипедски шлем и електроенцефалограм е дело на двајца експерти за визуелизација на информации и склопката се вика MindRider, а задачата е да се испостави дали велосипедистот е во смирена состојба додека вози или пак се наоѓа во ситуација на голем стрес и паника, или во нешто помеѓу овие две.

Во зависност од состојбата, индикаторот поставен над вашето десно око свети зелено за кул и опуштена состојба, жолто за малку напната и црвено кога сме доста нервозни и под стрес. Кога трепка црвеното светло, си знаете, дупла двојка поминува покрај вас, а вие сте на десна лента од коловозот бидејќи велосипедската е паркинг. 

Нејсе, информациите потоа се префрлаат преку ГПС до компјутер кој потоа ги мапира рутите кои сте ги возеле и менталната состојбата во која сте биле возејќи ја таа рута. Многу корисно бидејќи со поголема анализа која ќе опфати повеќе мозоци, може да се поштедат нервите на велосипедистите на долг рок.