Доколку ентузијазмот што го имате за кардиото можете да го пренесете и во силовиот тренинг, тогаш ќе имате само позитиви.

Ако сте женско, силовиот тренинг не е нешто што треба да го избегнувате или уште помалку да ве плаши. Таквиот тренинг ќе ве направи поефикасна и поенергична жена и може да биде само одличен вовед на вашите кардио сесии. 

Она што најчесто ги оддалечува жените од тренингот со тегови е стравот дека ќе изгледаат премногу набилдани и премногу машки. Но не е баш така, зголемувањето на мускулната маса не е случајност, таа е резултат на спечифична тренинг програма, исхрана и суплементација, и нормално тестестерон кој жените го имаат помалку од мажите. 

Направете консултација со персонален тренер или некој поискусен вежбач кој ќе ви помогне да влезете во штос. Внимавајте на килажата, дозирајте се постепено и истражувајте ги силовите можности на вашето  тело. Фокусирајте се на делови на кој сакате да ги потенцирате облините. 

Пример/ На почетокот е доволно да имате 2-3 сесии неделно. За да се воведете правилно почнете со разновидни вежби кој ќе го опфатат целото тело. Внимавајте на техниката на изведба, особено кога работите со слободни тежини и секогаш загревајте се добро.

Еве неколку придобивки од силовиот тренинг:

1. Ќе ви помогне во битката против вишокот килограми затоа што ќе го забрза метаболизмот односно базалниот метаболизам ќе биде поголем, а со тоа и повеќе согорени калории на крајот од денот. 

2. Ќе превенирате појава на остеопороза бидејќи силовиот тренинг дополнително ги зацврстува коските особена ако континуирано го практикувате подолг временски период и ако правилно се храните. 

3. Зголемувањето на чистата мускулна маса, поголемата сила и тонус на мускулите ќе ви бидат загарантирани. Ќе имате поголема самодоверба и ќе се чувствувате попријатно додека спортувате или работите.

4. Намалувањето на ризикот од дијабет е исто така придобивка од овој тип на тренинг, бидејќи ќе го зболеми искористувањето на глукозата во телото за повеќе од 20% . 

5. Ќе ги намалите и шансите од инфаркт, бидејќи ќе се намали нивото на лошиот (LDL) холестерол и ќе се зголеми нивото на добриот (HDL) и ќе го намалите крвниот притисок што е доволен предуслов да делувате превентивно.

6. Полесно ќе се справите со депресијата и ќе бидете поенергични, порасположени и ќе се чувствувате подобро во вашето тело.