Инфо

Октомврискиот месечник на ПРВ ДО ВРВ го закажуваме за 18 октомври.

Се собираме пред 9 часот кај ОУ Кочо Рацин, планинари, велосипедисти, рекреативци, спортски ентузијасти, љубители на викенд поминат во природа…

Одиме сите заедно до врвот на Водно на првото есенско дружење оваа година. И покрај тоа што октомври е месец во кој славиме два празника од нашето револуционерно минато, овој ПРВ ДО ВРВ ќе и биде посветен на најпопуларната македонска зимница – ајварот. На врвот се собираме на дружба со нашата традиционална закуска која најмногу се подготвува токму овој период од годината.

Настанот нема натпреварувачки карактер и секој учествува на сопствена одговорност.

Пријатели и помагатели на октомврискиот ПРВ ДО ВРВ се МАМА’С, Пакомак и Алгасан.