Инфо

Ултрамаратонот за Тоше од Нова Градишка – Р.Хрватска до Крушево – Р.Македонија, 16 маратонци од нашата држава ќе ја трчаат последната маршута по која се движел Тоше, во обратен правец. Одбележувањето на шестгодишнината од немилиот настан ќе го започнеме од местото на несреќата на 13 октомври, 2013 година, точно во 6:20 часот, а цел ќе ни биде неговото вечно почивалиште во Крушево на 16 октомври, 2013 година во 12 часот.

Попатни станици имаме во Белград, пред Белградска арена, која има посебно значење во кариерата на Тоше, каде фан клубот и маратонците од Р.Србија ќе нè пречекаат и испратат до излезот, и во Скопје каде уште на влезот ќе се пречекаат маратонците, додека фан клубот на Тоше на Плоштадот Македонија ќе организираат пречек на 15.10.2013 година во 17:00 часот. Ќе има и настап на хорот од СГГУГС Здравко Цветкоски кои ќе ги пеат најпознатите  рефрени од Тоше.