Инфо

Датум: 27.08.2014, последна среда во месецот
Почеток: 17:30, Плоштад Македонија
Крај: 19:00, Пикник во парк шума Гази Баба

Колку пати ви се случило да излезете со точак и да смислувате различни рути како да стигнете до одредено место за да го избегнете градскиот метеж? И на крај единствена опција за тоа ви е кејот на Вардар или можеби буткање низ локалните улички.
Зар не ви е здосадено да мора да се симнувате и качувате од велосипедска патека затоа што истата е со дупки, има поставено канти, знаци, паркирани коли или воопшто ја нема?

Скопје има велосипедисти и сака квалитетни вело патеки! Сакаме да одиме на точак до работа, до продавница, да ги пратиме децата на точак до школо и при тоа да бидеме сигурни дека се безбедни.
Имаме право да возиме на безбедни велосипедски патеки!

Повеќе велосипедски патеки значат:
– Возачите и пешаците да не мора да се грижат дека неочекувано ќе им се појави велосипедист на патот
– Помала веројатност на судири
– Драстично помал број на повреди на велосипедисти
– Повеќе велосипедисти

Бројот на велосипедисти во Скопје полека, но прекрасно расте.
Да ја поддржиме тенденцијата.
Скопје заслужува подобра велосипедска инфраструктура!

Дојдете во последната среда од месец август, на 28-та по ред Критична маса да покажеме дека го сакаме Скопје безбедно за точаци! Во 17.30 се чекаме на Плоштад Македонија.
Завршуваме во преубавиот Гази Баба парк каде што ќе имаме пикник кој ќе биде проследен со преубаво зајдисонце(се’ е испланирано :)). Доколку сакате земете си чаршавчиња, и по некоја топка. Ви предлагаме да си земете и нешто за јадење и пиење затоа што во близина нема продавничка.

Блог пост: http://natochak.blogspot.com/2014/08/28.html
Facebook настан: https://www.facebook.com/events/1493752780867663/
Промотивни материјали (повелете споделете): http://natochak.blogspot.com/2014/08/km28.html
Рута: http://goo.gl/dVuP1r

Facebook: facebook.com/NaTochak
Twitter: @natochak, #НаТочак
Instagram: @NaTochak, #наТочак
Е-mail: [email protected]
Blog: natochak.blogspot.com