Bodyweight вежбите или вежби кои ја користат сопствената тежина на телото се едни од најполезните, а воедно и најевтините вежби кои што може да ги правите. При ваквото вежбање не ви се потребни било какви справи нити пак тегови и машини туку вежбите ја вклучуваат сопствената тежина (на оној што вежба) како чиста форма на отпор.

И многу едноставно, со вклучување на прости вежби како склекови, чучњеви, подигања и многу други, вие можете да си го зацврстите вашето тело без никакви справи, или било каков вид на опрема.

Тие се особено добри за зајакнување на различни мускулни групи и помагаат во градењето на нивната дефиниција. Во зависност од тоа колку репетиции и вложување внесувате во вежбите тие може да помогнат во градењето на мускулна маса и здобивање на сила, или пак и во двете.

При вежбањето на ваков тип на вежби постои најмала можност за било каква повреда во споредба со вежбањето на справи. Нема можност за повреди од типот на истегнување на мускули бидејќи тука се вежба чисто со сопствената тежина.

Запомнете дека не е се во справите на кои што вежбате. Вклучувањето на вежбите со сопствена тежина во вашето дневно фитнес мени може да направи разлика во многу правци па затоа обидувајте се да ги користите што е можно почесто.