Пред вежбање:

1. Пченичен тост со банана и цимет

Кога станува збор за подготовка на организмот пред вежбање, јагленохидрати се вашиот најдобар пријател. Клучниот момент е да се внесе храна комбинација од прости и сложени јагленохидрати кои ќе го одржуваат енергетското ниво стабилно во текот на целото вежбање. Еден пченичен тост збогатен со овошје ги содржи двата типа на јагленохидрати, а и лесно се преработува во желудникот. Комплексните јагленохидрати (интергралната пченица, просото, овесот, леќата, јачменот) помагаат при подобрување на функциите во организмот, додека овошјето му дава дополнителна енергија. Бананата овозможува враќање на нивото на калиум (К) во организмот кое се намалува при потење. Циметот го стабилизира нивото на шеќер во крвта и ја подобрува мозочната функција.

2. Јогурт во комбинација со житарици

Јогуртот лесен оброк за телото, а во комбинација со житарици збогатени со суво овошје и јадки, претставува совршен предуслов за добар тренинг. Важно е житариците да бидат со суво овошје и јадки, но не и со чоколадо. Шеќерот кој го содржи сувото овошје ќе му даде доволно енергија на организмот, додека пак јадките ќе помогнат да се одржи стабилно нивото на шеќер кое обично опаѓа при тренирање. Јадките содржат “добри” масти што значи дека на организмот ќе му треба подолго време да ги преработи, па затоа е неопходно да се земаат во мали количини (еден грст на ден).

3. Овес со боровинки

Овесот е житарица која никако не треба да се пропушти пред секој тренинг, особено затоа што помага постепено да се ослободува шеќерот во крвта при вежбањето. Овесот е богат со јод, хлор, фосфор, магнезиум, калиум, манган, цинк, бакар, ниацин, биотин и бројни витамини кои не само што ги зајакнуваат одбранбените механизми на организмот туку зајакнува и мускулната маса. Додавките на овошје заедно со овесот помага за зголемување на течноста во организмот.

По вежбање:

1. Пилешко на скара и мешан зеленчук

По завршување со тренингот, организмот се опоравува, што значи неопходно е да се внесе лесен оброк збогатен со хранливи материи. Најдобра комбинација е пилешко на скара и мешан зеленчук, затоа што пилешкото содржи протеини и јагленохидрати кои го заситуваат организмот без да предизвикаат чувство на подуеност. Заедно со зеленчукот и маслиново масло, вашиот организам ќе го доведете до топ форма.

2. Омлет од зеленчук и авокадо

Веќе знаете дека јајцата се одличен извор на протеини кои помагаат при закрепнување и раст на мускулите, па затоа, направете омлет со зеленчук и гарнир од авокадо. Исто како и маслиновото масло, авокадото му помага на организмот подобро да ги апсорбора хранливите материи што се содржани во зеленчукот, како што се витамините A, D, E и K. Авокадото е богато со протеини и антиоксиданси, а содржи и калиум и фолна киселина.

3. Туна и спанаќ

Туната има малку калории, но богата е со протеини, па затоа често се препорачува по напорен тренинг. Спанаќот пак е богат со минерали и витамини кои помагаат при намалување на крвниот притисок.