Хардрок 100 претставува еден од најтешките ултрамаратони во САД и светот. Трката е долга 100 милји (161 километар) во кои се минуваат 10000 метри денивелација но на прилично високи предели. Просечната висина на трката е 3400 метри со 13 врвови (превои) над 3700 метри и минување на врвот Хендис – 4200 м.н.в. 

Оваа година изданието беше исполнето со настап на некои од најдобрите светски ултрамаратонци, а главната случка која ја направи трката исклучително интересна е падот на првиот фаворит – Килиан Жорнет кои на околу 60-тиот километар го остави со дислоцирано рамо. Сепак, и покрај повредата, Шпанецот кој се наоѓа во врвна форма продолжува и успева во наредните 100 километри да одржи темпо во водечката тројка со Мајк Фут и Џо Грант и во негов стил да успее да се одвои и да победи со време од 24:32. 

Ова е четврта последователна победа на Килиан кој воедно ги држи рекордите на стазата (во двата правци 23:28 и 22:41 – секоја година се менува правецот на трката), но овогодинашните услови во кои се одржа трката заедно со повредата ја направија трката навистина уникатна. 

Во машка конкуренција втор заврши Мајк Фут, а трет беше Џо Гранд, а кај жените убедлива победа и покрај нејзиното губење направи Каролин Шеверот 28:31, втора Дарси Пису, а трета Натали Маукулар. 

Трката има лимит од 140 луѓе, а оваа година ја завршија рекордни 126.