Планински Beach Run 2016 во Маврово за потврда на најдобрите
12:00 - 26 Јул 2016
На четвртата трка од летната лига во трчање на плажа Beach Run 2016 во Маврово, на победничкиот подиум се качија Марија Стојановска, Весна Кираџиева и Милена Чкрипеска во женска конкуренција, и Дарио Ивановски, Атанас Анчевски и Игор Јакимовски во машка конкуренција.
На една трка пред крајот на летната серија трки на 5 километри, на табелата во вкупен пласман, кај девојките на врвот се наоѓаат Марија Стојановска со 95, Весна Кираџиева со 82 и Милена Чкрипеска со 54 поени, а кај машките Дарио Ивановски со 75, Игор Јакимовски со 74 и Атанас Анчевски со 65 поени.
На финалето во Охрид Марија Стојановска треба да истрча за да го потврди шампионскиот статус, додека кај мажите за првото место ќе трчаат Дарио Ивановски и Игор Јакимовски.
Последната трка од серијата ќе се одржи во Охрид, во недела на 31 јули.
Beach Run 2016 е во организација на здружението за спорт и рекреација Прв до врв од Скопје во соработка со локалните самоуправи и со поддршка од Најки, Форд, Горска, Пакомак, Swiss Contact и Антена5 Радио.