Најспортско запросување на годината
12:00 - 09 Окт 2015
Иако поминаа веќе неколку недели од Крали Марко Треилс, радосни сме да ви го пренесеме според нас најспортското запросување за 2015 година во Македонија. После 65 километри и 3100 метри угоре-удоле, оди па клекни на колено да те видам. Ама Александар издржа, а Елена секако кажа „да”.
Инаку тројцата момци кои ги гледате на првава слика имаа заглавено во ноќните часови на последните сегменти од трката, а дождот непрекинато лиеше.
Иако сите знаевме дека тие тројца фино и забавно си поминуваат, Елена беше помалку и загрижена.
Ама момците стасаа и Алек си го направи своето.
Браво дечки, нека ви е со среќа