Овој ноември, Австралиецот планира да ја направи експедицијата Pink Polar каде треба сам да го помине Антартикот со крос кантри скијање и со помош на ветерот – kite skiing влечејќи ја неговата санка која ќе ја носи опремата за негово преживување.

Со експедицијата, Вилсон се надева дека ќе собере 1 милион долари кои ќе одат во добротворни цели кај фондацијата McGrath, и ќе се обиде да го сруши светскиот рекорд за поминување на Антартикот од 64 дена.

Санката наместо bobsled се вика “boob sled” и на неа ќе има прикачено две огромни фиберглас цицки кои симболично ја прикажува целта на експедицијата, подигање на свеста за ракот на дојката.

Вилсон не е некој аматер кој бесмислено се нафаќа на ваков зафат. Тој е сопственик на експедициите 5th Element, и ги има поминато Сахара и пустината Симпсон.

Сè започнало откако другарката на Геоф, новинарката Кејт Карлајл претрпела две последователни појавувања на болеста. Тие велат дека единствената работа која спојува авантурист и жена која преживеала рак на дојка е храброста.

Моментално тој е на тренинг сесија во Iqaluit, северозападниот дел на Канада.