Инфо

Во недела, на 29ти Март 2015 година од 11 до 14 часот на фудбалскиот терен во близина на спортскиот центар Јане Сандански во населба Аеродром ќе се оддржи првиот младински фудбалски турнир во организација на ФК Вардар.

На турнирот кој ќе биде првиот од цела серија на настани ќе присуствуваат деца од регионалните школи на ФК Вардар од цела Македонија, за кои ФК Вардар обезбеди 600 подароци спортска опрема.

Специјални гости на настанот ќе бидат дел од фудбалерите од првиот тим, како и еден од најпознатите македонски изведувачи, Влатко Лозановски.

Овој настан исто таке е мала увертира за младинската фудбалска лига во која ќе бидат вклучени сите регионални школи а ќе биде организирана од страна на ФК Вардар. Лигата е планирана да започне од наредната сезоона.

Турнирот ќе биде организиран во соработка Open Fun Football Schools, а генерален спонзор е АД Витаминка со познатиот бренд „Стоби Флипс”.