Инфо

Драги пријатели и вљубеници во фудбалот,
По повод првиот роденден на нашиот клуб, а со цел да се поттикнат младите да спортуваат и да им се исполни желбата за фудбалско натпреварување, ФК ОХРИД ТОП ТИМ од 02 до 04 јули организира младински фудбалски турнир за У-13 (ген. 2002), У-11 (ген. 2004) и У-09 (ген. 2006) возрасни категории.

Фудбалот како спорт остава значаен белег во општествениот живот и има повеќекратни позитивни ефекти врз идниот развој на младите.
Имајќи во вид дека спортската активност е една од клучните фактори за создавање на здрави генерации, организирање на еден ваков турнир го чувствуваме како наша обврска и наш мал придонес кон создавање на подобра иднина за сите нас. Покрај тоа, градот Охрид со сите свои природни убавини и културни вредности, нуди извонредни услови за спорт и рекреација, какви што ретко ги има на друго место во овој период од годината.
Упатуваме јавна благодарност до сите екипи што се одзваа на нашата покана и веруваме дека ќе поминеме одлични три дена со спорт, дружење и забава и дека ќе споделиме многу незаборавни моменти.