Инфо

Чи Гонг Wu Qin Xi (Ву Чин Ши) – Игра на петте животни

На 24 јануари, за прв пат во Македонија, во Вушу клубот Феи Лонг се организира еднодневна четиричасовна работилница по Здравствен Чи Гонг. Тема на работилницата се групата Чи Гонг вержби кои се познати под името Игра на Петте Животни (Wu Qin Xi). Се работи за систематизирана и стандардизирана група на Чи Гонг вежби, која опфаќа своевидно симболично имитирање на движењата на избраните животни, и тоа: тигарот, еленот, мечката, мајмунот и жеравот. Тоа е една од најдинамичните и најигривите групи на здравствен Чи Гонг, кој се практикува низ целиот свет.
Интересно за оваа група вежби е тоа што е едноставна, лесна за учење и лесна за практикување. Тоа значи дека би можеле да ја научат и оние луѓе кои претходно немаат искуство во вежбањето, а исто така, со својата игривост и драматичност, погодна е и за децата бидејќи лесно го задржува нивното внимание.
Работилницата ќе биде под раководство на Елена Ставреска, инструктор во клубот Феи Лонг. Котизацијата за оваа работилница изнесува 600 денари.