Инфо

Викенд возење во околината на Беровско Езеро!

Недела 02.11.2014 ќе се вози планинска тура од околу 50км низ Малешевијата.

Ќе ги посетиме викенд населбата Абланица, месноста Рамна река во атарот на Пехчево, водопадите на реката Брегалница, Мандрата, па долж граничната линија ќе се спуштиме кај недовршениот граничен премин и мотелот Клепало, каде ќе направиме поголема пауза и ќе продолжиме назад кон Беровското Езеро!

Стартот е со почеток во 09:00 часот на паркингот пред браната на Беровското езеро.

Секој учесник вози на сопствена одговорност и треба да се грижи за својата и за безбедноста на останатите учесници. Задолжително е носење на заштитна кацига.

Во текот на турата ќе направиме неколку паузи за одмор и уживање во природата!

РУТА – http://www.bikemap.net/en/route/2829349-berovo-2014/