Спортскиот центар Јане Сандански претставува мултифункционален објект кој содржи голема спортска Арена со капацитет од 6500 посетители, мала спортска сала со капацитет за 1000 посетители, конференциска сала, тениски терени, фитнес и аеробик центар, игротека, како и продавница за спортска опрема HUMMEL и фан шоп на Вардар. Спортска Арена е со капацитет за 6500 посетители, направена според стандарди за одигрување на сите меѓународни натпревари во кошарка и ракомет. Спортската Арена е прва арена која има три детски зони со по 40 седишта, четири фан зони, и седум ВИП соби. Во склоп на спортскиот центар има и Мала спортска сала, која е со димензии за кошарка и ракомет, и која има капацитет од 1000 седишта. Спортскиот Центар Јане Сандански има и конференциска сала каде се одржуваат сите прес конференции и дополнителни настани од ваков тип.Спортскиот центар за потребите на професионалните спортски клубови како и за комерцијална употреба, поседува фитнес центар опремен со професионалната линија на реквизити од програмата на CYBEX, на површина од 500 м2, како и мултифункционален простор на површина од 400м2 кој ќе се користи за аеробик, пилатес, боречки спортови и останати партерни вештини и спортови. За љубителите на тенисот СЦ Јане Сандански има 4 тениски игралишта според ATP и WTA стандарди, со кафуле и административен дел. Два од тениските терени се функционални и во зимскиот период. На западната страна од центарот се наоѓа спортска продавница за реномираниот дански бренд HUMMEL кој за првпат се појавува на пазарот за комерцијална продажба, а со истиот бренд се сервисираат и фан шоповите на фудбалскиот клуб и женскиот и машкиот ракометен клуб Вардар. Освен спортските капацитети, во склоп на комплексот е отворена и игротека за дечиња со поглед кон паркот на езерцата на површина од 300 м2. Телефони: Main: +389 2 2400 075 / Билетара: + 389 2 2401 980 / Аеробик : + 389 2 2401 981 / Фитнес : + 389 2 2401 982 / Игротека : + 389 2 2401 983 / Фан шоп : + 389 2 2401 984 / Ресторан : + 389 2 2401 985 / Working hours: 08:00 – 24:00 / Е-пошта: Билетара: [email protected] Аеробик: [email protected] [email protected] Фитнес: [email protected] Игротека : [email protected]

Контакт

Локација