веб страна: http://kkvodnosuns.com/ фб: http://www.facebook.com/kosarkarskiklub.partizanvs КК Партизан Водно Санс формиран е во Февруари 2000-та година. Клубот започна да работи во Основното училиште “О.У. Кочо Рацин во населбата Водно”, од каде доаѓа и името на клубот. За краток временски период од неговото формирање клубот броеше повеќе од 100 членови, а поради тоа што беше формиран во период на веќе започната натпреварувачка сезона, Клубот активно започна да се натпреварува во сезоната 2000/2001, и тоа во категорија играчи родени 1989 година и во првата натпреварувачка сезона клубот бележи одличен резултат-финале и сребрен медал во горе споменатата категорија, при тоа мора да се напомене дека по завршувањето на првенството, утврдено е дека победникот на првенството учествувал со играчи постари од предвиденото годиште, односно играчи родени во 1988 година. Од тогаш до денес КК Партизан Водно Санс е редовен учесник на завршните турнири за млади категории и брои голем број на медали во различни категории. КК Партизан Водно Санс како специјали-зиран клуб во млади категории, во досегашната историја ги има водено школите за кошарка на голем број прволигашки екипи како што се: КК Торус Скопје, КК МЗТ Скопје, КК Поп Спорт Скопје итн. Во оваа смисла треба да се истакне новината дека оваа сезона 2013/2014 КК Партизан Водно Санс ќе го води кошаркарскиот тим на најголемиот и најпознатиот Спотски Центар во РМ, а тоа е “СЦ Борис Трајковски”.Најголемо достигнување на нашиот клуб е тоа што од Април 2010 година КК Партизан Водно Санс официјално потпиша Договор за соработка со КК Партизан од Белград, од каде и произлегува називот КК Партизан Партизан Водно Санс, со што стана првиот и единствен т.н. партнер во РМ на КК Партизан Белград.Исто така КК Партизан Водно Санс од септември 2012 година официјално започна соработка и со светскиот гигант во кошарката Real Madrid. Истата година започната е соработка на највисоко ниво со клубови од Р.Грција врз основа на која во сезоната 2012/2013 одигравме повеќе од 15 пријателски натпревари на кои завземаа учество повеќе од 5 клуба.Во рамките на нашата соработката со клубовите KK PAOK, KK ARIS, KK MENDOLIDIJ I KK AHILON се организираа задолжителни посети и организирање на турнири како во Скопје така и во Солун.

Контакт

Локација