The Simple Joy of Skiing
Ако мислевте дека вие немате опрема
12:00 - 13 Јан 2016
Значи имаше и по наши ски центри „гумена шапка” и фармерка стил што си држат, ама муабетов овде не е од ски центар и не е од некаков развиен град, туку од забутано грузиско село по име Ушгули кое е сместено длабоко во Кавкаските планини и е потрупано 6 месеци од годината со снег. Ушгулшии како народ немаат многу многу контакт со надворешниот свет, па едни гумени чизми и пар Фишерки – скии се доволни за да се исполни страста за скијањето.
Погоре го гледате Џиџи Чаркселиани, 15-годишно момче од селото кој беше инспирацијата за краткиот филм The Fence / „Оградата” на Карл Медиг. Во приказната околу филмчето Карл вели дека најинтересно било тоа што во селото овој пар скии се единствени, па децата понекогаш се редат на брдото и се менуваат еден по друг. Еден се спушта, се качува горе, ги подесуваат везовите за друго момче, па следен…
Вториот момент е тоа што Карл и Џиџи сега си се имаат на Фејсбук…
Инаку селото Ушгули се смета за највисокото село во Европа (место кое има постојани жители) и е сместено на висина од 2100 м.н.в. Тоа е составено од четири маала е едно од најизолираните места во Грузија и е заштитено од УНЕСКО поради историското значење.
