#1 Задолжителен оброк 60-90 минути пред тренинг

Голема грешка е да се изостави оброк пред да вежбате, водени од погрешните сознанија дека вежбање на “гладен стомак топи повеќе масти”. Соодветен оброк пред тренинг ќе ви ја даде потребната енергија и сила за најдобар исход, плус ќе го откочи метаболизмот да работи со полна пареа и да синтетизира протеини. Колку што е важно да изедете оброк во овој временски интервал, толку е и важно да не јадете непосредно пред вежбање.

Ако сте од утринските вежбачи, сметајте дека вашето тело нема примено нутрициенси речиси 10 часа. Консумирајте барем еден протеински шејк со после разбудување и може да продолжите со рутината.

#2 Применувајте пенест ролер пред вежбање

Професиналците имаат цел тим на масери за опуштање и на најзатегнатите зони, површните и длабоките мускули. Обичните смртници имаат пенести ролери кои можат да завршат одлична работа пред вежбање.

Како подготовка за тренинг, ролерот ќе има улога да го подготви мускулот за силни контракции и без тоа да правите некаков опсежен статичен стречинг кој и онака се повеќе се избегнува како подготвителна форма во одредени спортови.

За ролерот да не фаќа прав во некој темен ќош од теретаната, тука може да најдете повеќе информации како да го користите ЗАРОЛАЈ, ОСЛОБОДИ СЕ!

#3 Динамично загревање за почеток, статично истегање за крај

Како и гуменото ластиче кои подобро се истега на потопло, така и телото поднесува повеќе истегање ако претходно е убаво загреано. Оние статични истегања кои ги задржувате и до 30 секунди оставете ги за на крајот, тренингот започнувајте го со динамично загревање на телото, а истегањето треба да биде со задржување  од само 1-2 секунди, не повеќе. 

Загревањето не треба да ви одзема повеќе од 10 минути. Притоа можете да го загреете целото тело или пак само целната група на мускули која планирате да ја активирате во последователниот тренинг.

#4 Загрејте се пред кревање на тегови со помала тежина

Никогаш немојте да одите директно на максимумот кој го кревате. Направете неколку репетиции со помала тежина пред да поминете на следото ниво. Ова е важно од аспект на превенција на повреди. Овој метод ќе го припреми телото за она што следува, а правилото е дека колку поблиску до максимумот сакате да кренете, толку повеќе загревачки репетиции со помала тежина треба да направите.