Наслов

Некои од заблудите во бодибилдингот

Ревидирајте ги своите ставови со најголемите, но и најчести заблуди во бодибилдингот.

1. Можете да станете големи како професионалните билдери, без употреба на аас (анаболичко/андрогени стероиди), само ќе ви треба многу време

Ова е една голема заблуда. Сите професионалци користат ААС, а многу од нив земаат и други фактори на раст (ХГХ, ИГФ-1, ИНСУЛИН). Без овие манипулации со хормоните невозможно е да се постигне таква комбинација на маса, дефиниција, васкуларност и кожа тенка како лист од хартија. Сепак тоа не е причина да престанеме. Секој човек со правилна исхрана и напорен тренинг може да постигне неверојатен напредок во изгледот на мускулатурата. Можеби нема да станете профи билдер, ама секако можете да изградите тело кое ќе измамува погледи, чудење и почит од околината.

2. За да бидете големи морате да јадете ненормално многу калории.

Ова секако дека е точно, но се поставува прашањето со каков квалитет ќе биде добиената маса. Доколку неконтролирано се прејадувате, 65% од новодобиената маса ќе биде сало, а тоа секако не ви одговара. Понатаму, претераното дебелеење ке го поремети лачењето на инсулин, кој е главен антикатаболички хормон во телото, така што на тој начин уште повеќе ќе се оддалечите од целта, а тоа се мускулите. Затоа, доколку не сте генетско чудо, подалеку од висококалоричните диети и јадите само онолку колку што ви е потребно за раст.

3. Доколку спроведувате диета сиромашна со масти, можете да јадете колку сакате калории без да се здебелите

Единствено што е важно кога е во прашање дебелеењето, е калорискиот внес и без обзир на тоа што не внесувате масти, доколку внесувате повеќе од што тросите, ке се дебелеете.

4. Колку повеќе тренирате, толку повеќе растете

НЕ. Оваа е најголемата од сите заблуди во ББ. 95% од професионалците, како своја најголема грешка ќе ја наведат претренираноста во одреден период на својата кариера, а плус тие користат стероиди.. Замислете колку лесно спортист кој не користи стероиди може да се претренира.. Факт е дека на добро изработен мускул му требаат 5-10 дена за потполно да се опорави. Научете да го прифатите одморот како вреден и полноправен дел од вашиот тренажен процес и ќе имате виден напредок.

5. Колку подолго тренирате, толку подобро

Доколку сериите се работат како што треба, нема потреба од 20-30 серии по мускулна партија. Се што е преку 10 ќе предизвика оштетувања во мускулот, на кој ќе му треба доста време да се опорави. Стручњаците велат (што се однесува до хипертрофијата) дека дури и еден сет до тотален отказ на мускулот може да биде многу делотворен. Користејќи суперсетови, трисерии и принцип на тотален отказ можете многу силно да го стимулирате мускулот со многу малку серии.

6. Не морате да бидете силни за да бидете големи

Заради низа фактори луѓе со исто ниво на мускулна маса имаат огромни варијации во силата која нивните мускули ја развиваат. Но, сево ова спаѓа под поимот релативно. За да добиете во маса, мора да станете посилни без оглед на вашата почетна состојба. За да го постигнете ова мора константно да ги оптеретувате вашите мускули.

7. Тренинг програмите кои ги користат професионалците можат да ви користат и вам

Секако дека не. Тие се опоравуваат многу побрзо, заради суплементацијата, храната и хемијата која ја користат. Исто така поголемиот дел од нив се генетски надарени и реагираат добро на секаков тренинг. Не треба да се бара совет во теретаната од најголемиот билдер, туку од оној кој најмногу напредувал.

8. Не можете да растете ако тренирате една мускулна партија еднаш неделно, или имате се на се три тренинга неделно

90% од професионалците тренираат една мускулна партија еднаш неделно, а Дориан Јеитс беше 6 пати мр.О тренирајки 3-4 пати неделно по 45 минути.

9. Морате да користите современа опрема во теретаните за да напредувате

Не е точно. Можете фантастицно да напредувате ако користите само клупа, тегови и шипка. Шампионот на МК Зоран Колевски, за минатогодишните настапи на кои освои многу признанија, се спремаше во визба.

10. Тежински тренинг е за маса, а аеробик е за дефиниција

Не е баш така. Потребно е да се знае дека отстранување на масните наслаги повеќе зависи од исхраната одколку од тренингот. Факт е дека аеробниот тренинг може да помогне во тој процес под услов да се изведува доволно долго (над 20 мин), но и тренингот со тегови може да помогне многу. Една студија изведена на близнаци покажала дека близнакот кој работел тежински тренинг бил многу поефикасен во согорување на мастите од својот брат кој работел исклучиво аеробен тренинг. Заради поголемата мускулна маса, близнакот кој дигал тегови трошел многу повеќе калории во мирување од својот брат, односно неговиот базален метаболизам бил побрз што резултирало со поголема вкупна дневна потросувачка.

11. Можно е потполно да се преобликува мускулот со изведување на изолациони вежби

Неточно. Мускулот може да се зголеми, но не и да се промени неговиот генетски облик со вежбање.

12. Доколку ги тренирате стомачните секој ден, ќе го смалите и издефинирате струкот

Уште една голема заблуда, за која што толку многу се зборува, но никако луѓето да разберат. Научно е докажано дека не е возможно селективно отстранување на масти, освен со опеарција.
Но, некои луге и ден денес носат гумирани појаси околу струкот, со цел да го "испотат" вишокот - смешно и жално.

13. Поголем број на повторувања ги прави вашите мускули потврди и подефинирани

Иако постојат докази дека поголем број на повторувња ја зголемува мрежата на капилари во мускулите, нема апсолутно никакви докази дека ќе ви обезбеди поголема тврдост и подобра дефиниција на мускулот. Единствен начин на кој поголемиот број на повторувања може да влијае на дефиницијата на мускулите е да имате поголема потрошувачка на енергија со ваквиот тренинг, па тоа може да доведе до негативен калориски баланс.

14. Жените мораат да тренираат различно од мажите

Не постои физиолошка разлика во мускулните влакна помеѓу мажот и жената. Единствена разлика е во количината и видот на доминантните хормони. Жените и мажите треба да тренираат различно само ако целите им се различни. Доколку имаат иста цел - тренингот е ист!

15. На пазарот постојат суплементи кои се ефикасни како стероидите, само се побезбедни

Ова е само еден беден маркетиншки трик. Не постои ПРИРОДЕН суплемент кој има дејство толку моќно како ААС - точка! Суплементите како креатин, глутамин, веј протеин итн.можат да бидат многу ефикасни, но никако неможат да се споредат со стероидите.

16. Внес на поголема количина на шеќер ПРЕД тренингот ќе ви обезбеди екстра енергија за тренинг

Голема грешка! Внесот на прост шекер пред тренинг ќе предизвика брз скок на инсулинот, а потоа и брз пад и тоа значително понизок од нивото кое предходело на тренингот. Резултат - пониско енергетско ниво за време на тренинг и поголема исцрпеност. Не го иритирајте инсулинот без потреба.

17. Сите анаболички стероиди се исклучително опасни и токсични

Да го представиме тоа сликовито: земете една шака метан, една шака ласикс (диуретик) и една шака аспирин. Што мислите, доколку испиете цела шака таблети, која група НЕМА да ве убие? Секако тоа е метанот. Толку за токсичноста. Секако дека не се сите стероиди исти. Нандролоните се многу посигурни и имаат помалку нус-појави од тестостеронот.

18. Доколку престанете да тренирате, вашите мускули ќе се претворат во сало

Ова често го слушам. Многу луѓе наоѓаат оправдување за своето невежбање со изјавата: а што кога ќе престанам да вежбам?! Целиот ќе свиснам, oдносно често пати се посочува, на пример лично мене ми се случува тоа, некој да ми каже: ехх кога ќе престанеш да вежбаш, ќе свиснеш, се ќе ти отиде во сало. Луѓето уште не ни почнале со вежбање, а веќе размислуваат што ќе биде кога ќе престанат!
Значи вака : Доколку престанете да тренирате, вашите мускули ќе се адаптираат на постоечката ситуација, односно делумно ќе атрофираат, но во никој случај нема да се претворат во сало.


Мускулното и масното ткиво се две сосема различни ткива и НЕВОЗМОЖНО е преминување на едниот облик во друг!

04 Декември 2012

За авторот