Познатиот спортски доктор Алаин Марион во едно од своите истражувања истакнува дека пост-тренажниот замор е состојба која спортистот најчесто може да ја преброди во само неколку часа доколку има адекватен одмор, техника на опоравување, правилна исхрана и хидратација, како и емотивна поддршка. Доколку пак спортистот се наоѓа во фаза на постојан тренинг до недоволна опоравеност, заморот не само што ќе биде постојано присутен туку и ќе се зголемува и влошува. Затоа, следат неколку кратки совети ки вашиот опоравок ќе го направат пократок и поквалитетен.

Балансирајте:

Кога вашите сврзни ткива се заморени или болни нивните природни протективни особини и балансираност може да бидат сериозно нарушени. Оттаму тие не се во состојба да реагираат на очекуваното ниво во неочекувани ситуации или во ситуации на репетитивни движења. Затоа во вашиот пост-тренажен процес вметнете вежби на даска за балансирање или пак пенест ролер.

Зацврстете го јадрото:

Мускулите на трупот во суштина претставуваат тродимензионален корсет изгреден од абдоменалните, мускулите на долниот дел на грбот и мускулите на половината. Овој дел од човековото тело е исклучително важен бидејќи од него тргнуваат речиси сите движења. Било каква дисфункционалност на јадрените мускули може да предизвика зголемување на болки во пределот кичмата и колковите, како и до значително “расфрлување” на енергија за време на тренингот или натпреварот. Внесете вежби за јадрените мускули во тренажниот процес и постренажниот замор значително ќе се намали.

Читајте нешто повеќе за тоа како – МРАЗОТ Е „ВИНОВНИК” ЗА УСПЕХ

Повторете го тренингот или натпреварот:

По завршениот тренинг или натпревар, вашето тело ви праќа јасни сигнали за тоа кои се вашите негативни и позитивни страни. Работете на негативните (слаби) страни а потоа фокусирајте се на позитивните. Отворете дневник и во него запишувајте ги сите ваши мани, критични точки, слабости и сили. Во иднина тоа ќе ви донесе поголема свесност за тоа што и колку можете и на што треба да работите, а тоа практично значи и постепен процес на напредок и забрзан опоравок.

Опуштете се:

По завршениот тренинг или натпревар, од исклучителна важност е да му дадете на вашето тело можност да се релаксира. Тоа ќе ви помогне да ја обновите вашата физичка и ментална сила и можност да ги наполните батериите пред следниот физички предизвик. Најдобра опција е спиењето, но еве и неколку замени кои се прилагодливи во зависност од индивидуалните желби можности:

Физичка релаксација: сауна, споро пешачење, масажа, јога, истегнување
Ментална релаксација: техники на дишење, медитација…
Емотивна релаксација: слушање музика, дремка, чашка од омилениот пијалок.