Наслов

Каде има чад, нешто длабоко се пржи

Старата англиска поговорка ја преуредивме во контекст на следниот текст, за да расчистиме еднаш за секогаш околу пржење во маслиново... па и во било кое друго масло.

Одговорот на прашањето дали да се пржи во маслиново масло е... релативен.

Целата промоција на маслиновото масло и неговите здравствени бенефити е докажана и поддржана во повеќе наврати. Но најголемиот производител на маслиново масло Италија, го форсира трендот на пржење во истото, најверојатно заради зголемување на продажбата.


 Нешто повеќе за различните типови на масло: МАСЛО, ЕТКЕТА И КВАЛИТЕТ


 Малку да се вратиме во школските клупи, на час по хемија. Кога ќе се загреат до одредена температура, течностите испаруваат, но во случајост со маслата долго пред да почнат да вријат и испаруваат, настанува процес на декомпозиција во пакет со чадење, иритативни миризби и токсични гасови.

Кога започнува тој процес? Тука е проблемот, нема строго определена температура, туку започнува постапно, молекула по молекула. Уште еден фактор кој мора да се земе во предвид е фактот дека маслата со повеќе слободни масни киселини почуваат да чадат побрзо од оние кои се полни со заситени масни киселини, затоа што слободните масни киселини горат побрзо. Всушност не можеме да зборуваме за точка на димење, туку за опсег.

Квалитетното ладно цедено маслиново или "extra virgin" изобилува со слободни масни киселини кои лесно горат и ова масло, полно со вкус и арома, избегнете го за пржење. Овој тип треба да биде единствено послужено во вкусна свежа салата или во други ладни јадења за максимум бенефит.

Единствено за пржење можете да го употребите рафинираното маслиново тагирано како "light" што значи дека добивате производ со најмалку вкус и арома, но благодарение на процесирањето во рафинеријата низ кое маслото поминало има повисока точка на испарување.

Сепак запаметете дека колку подолго и повеќе се загрева маслото толку повеќе се ослободуваат масни киселини и толку е пониска неговата температура на чадење. Исто така се повеќе се создаваат токсични материи од распадатите масни киселини, па повеќе кратното пржење во исто масло е многу штетно.

Протеините од путерот горат на 120-150 степени, па затоа со путер готвење само на тивко. Во однос на другите масла, сончогледовото, маслата од авокадо и кикирики, канола и сусамово можете да ги користите во разумните 180-220 степени целзиусови, над овие температури веќе се јавува ризик тавчето да ви фифне во пламен. Кокосовото масло може да се пофали со најмногу заситени масни киселини и се смета за најсоодветно масло за во фритеза, ако веќе морате да испржите длабоко.

Изор: The Washington Post

06 Октомври 2015

За авторот