Опстипација, висок холестерол, хипертензија, високи нивоа на шеќер во крвта се дел од сериозните здравствени состојби против кои делуваат диеталните влакна.

Диеталните влакна се составен дел, некаде повеќе – некаде помалку, на сите претставници на растителниот свет. Во зависност од нивното однесување во присуство на вода, поделени се на солубилни и несолубилни.

Солубините апсорбираат вода и создаваат желатинозна супстанца за која може да се каже дека врши „чистење” на дигестивниот тракт при поминувањето низ него, а несолубилните и даваат волумен на столицата и го олеснуваат и забрзуваат исфрлањето.

Шеќерен баланс 

Целовкупната функција на диеталните влакна во одржување на здрава дигестија, всушност позитивно делува врз нивото на шеќер во крвта. Влакната ја успоруваат дигестијата на јаглехидратите и со тоа спречуваат преголеми осцилации на шеќерот, а исто така ја подобруваат и инсулинската сензитивност, што значи дека клетките ќе реагираат и на пониски количини од овој хормон.

Помалку холестерол 

Влакната го намалуваат холестеролот, така што спречуваат тој да биде реапсорбиран. Всушност за продукција на жолчка е неопходен холестерол, па жолчката полна со холестрол, заради диеталните влакна ќе помине низ дигестивниот тракт и ќе се исфрли од организмот.

Тенок струк 

Диеталните влакна заситуваат на подолг временски период, а еден од најдобрите начини да се справите со вишокот килограми е да ја контролирате гладта.

Дневни препорачани вредности за диетални влакна се 20-35 грами, за жал само мал дел од нас ја прима оваа доза секојдневно и ги искористува бенефитите. Најголема количина на диетални влакна ќе примите преку легуминозите, потоа темно зелените листести зеленчуци, житарките и овошјето.