Наслов

Тур де Франс диета

На кратко таа гласи некако вака: јадеш 8000 до 9000 калории на ден, ама ништо не ти се фаќа. И сите се среќни и задоволни, особено ако ја ќариш жолтата маичка. 

Со стартот и зголемувањето на жештината на 102-то Тур де Франс издание се потегнува и прашањето за уникатниот нутриционизам кои го практикуваат овие интересни атлети кои секогаш имаат убава и тенка фигура. Она што навистина се крие зад таа фигура се сериозни бројки на јадење и трошење, нешто како еден своевиден дополнителен предизвик покрај самиот Тур. 

Во мирување нашето тело троши приближно 90 калории на час или во превод некои 2100 калории ни се потребни за цел ден. Значи тука се вкалкулирани базалниот метаболизам кои служи за одржување на телото во живот и она што дополнително трошиме додека сме на работа, по дома, додека се тушираме, јадеме, спиеме. 

Доколку активно вежбаме, пример еден час трчање со високо темпо, човекот троши приближно 600 калории на час. Е сега, професионалниот велосипедист за време на просечна Тур де Франс трка троши приближно 1000 за еден час, а верувајте, етапа не трае помалку од 4 часа, со што оваа равенка веднаш ја доловува големината и тежината на самата активност. 

Регуларното дневно мени на овие атлети се состои од околу 8000 калории во текот на денот на трката кои на овој или на оној начин мораат некако да бидат внесени во организмот како би се избегнал негативниот тренд на калориски внес кој може да нанесе сериозни последици по организмот. 

Она што е интересно е начинот на кој овие калории се распределуваа во текот на денот бидејќи за време на трката спортистите нормално примаат само 1500 калории главно од спортски пијалоци, банани и чоколатца. Појадокот како и ужина пред трката најчесто обезбедува околу 1000 калории, а останатите 5500 калории мораат да бидат надополнети преку вечерата и малиот милион други мали оброци и ужинки после трката. 

Најчесто планот за исхрана е насочен кон обезбедување на големи количини на гликоген во мускулите и телото преку сложени јагленохидрати кои се основата за добро функционирање во периодите на трка како Тур де Франс која трае исклучително долго.

Она што експертите го велат е дека без вакви квалитетни и квантитетни надополнувања на калориските резерви атлетите се под ризик за губење на енормно многу тежина што би значело и испаѓање од трката.

  • „Можеш да имаш какви сакаш масажи и најдобри велосипеди, но ако не му го дадеш потребното гориво на твоето тело, не можеш правилно да функционираш.” - вели Џудит Хаудум, еден од нутриционистите на тимот BMC.

Приближен пример за типовите на оброци во една Тур де Франс диета:
 
  • Појадок (3-4 часа пред трката)
 
1 чинија овесна каша (150 калории) со банана (105 калории од банана) и малку јатки (500 калории од чинија бадеми)
1 голема чинија паста (174 калории)
1 парче торта (приближно 225 калории)
кафе
Чаша сок (122 калории)
 
  • Ужинка после појадок
 
Чоколатце (120 калории)
Чаша сок (122 калории)
 
  • За време на трката (количината варира во зависност од профилот и временските услови)
 
3 гела (100 калории на 1) + 1 чоколатце (220 калории)
2 мали сендвичи (приближно 380 калории на 1)
8-12 шишиња изотоник
 
  • После трка
 
Пијалок за опоравување (200 калории од чоколадно млеко)
1 чинија ориз со шунка и пармезан
 
  • Ужинка пред вечера
 
Јогурт со гранола 
Сушено овошје
Вода 
 
  • Вечера
 
Салата 
Рижото (280 калории) со:
- пилешки гради (500 калории)
- зеленчук (50 калории од брокула)
- компири (160 калории од среден компир)
Овошна салата 
 
  • После вечера
 
Овошје 
Крекери
 
Во чизбургери тоа изгледа вака

 

08 Јули 2015

За авторот