Наслов

Природен допинг?

Ем за издржливост, ем за опоравување. Научно докажано, лубеницата го добива овој епитет.

Иако одамна со репутација на одлично овошје за пред тренинг, не само заради количината на вода што ја обезбедува, туку и ликопенот со моќната антиоксидација, овој летен бисер (поточно бисериште) делува и како бустер.

Одговорноста за оваа способност на лубеницата доаѓа од големото количество на аминокиселината цитрулин, која и името си го добила според нејзиниот најлојален извор (лат. Citrullus - лубеница). Имено цитрулинот е одговорен за создавање на азот монооксид, силен вазодилататор, ги проширува крвните садови и на тој начин го зголемува дотокот на глукоза до скелетните мускули и го намалува крвниот притисок.

Испитувањето било спроведено на Универзитетот во Катагена, Шпанија, врз доброволци, од кои третина добивале плацебо, третина џус од лубеница и третина џус засилен со цитрулин. Последните две групи покажале подобри резултати, но и побрзо опоравување на мускулите.

Научниците положуваат надеж дека, како што вели и насловот, спортистите кои се обидуваат да зграпчат врвни резултати, бустот на енергија и опоравување ќе го најдат во мајката природа.

15 Август 2013

За авторот