Традиционално растат кај нас од памтивек. Ситни и мали, ама полни со витамини и минерали, но и други битни нутрициенси.

Кајсијата донекаде може да биде ваш чадор за во лето. Овој епитет и го доделуваме заради големата содржина на бетакаротени, едни многу погодни пигменти за во лето. Имено бетакаротените се поврзуваат со заштита на кожата од штетните УВ зраци, ама сепак дополнително користете и физички чадор затоа што лесно се гори кожа.

Како дополнителен бустер на антиоксидацискиот профил на кајсијата е ликопенот. Овој пигмент е насочен кон штетниот холестерол и така го заштитува  кардиоваскуларниот систем.

Витаминскиот склоп исто така е импресивен. Големата содржина на витамин А во кајсијата е причина за тие да ги штитат очите. Исто така и витаминот Ц го има во изобилство, а добар процент содржи и од витаминот Б6.

Постои и една контроверзија околу ова овошје поврзана со нејзината семка. Од нејзе е изолиран така наречениот амигдалин или витамин Б17. На оваа супстанца и се препишани силни антиканцерогени својства, но постојат и многу противници на ова тврдење. Во секој случај ако уживате во т.н. еврејски семки (печени семки од кајсија) нема да си наштетите, затоа што и семката содржи многу хранливи материи.