Младинска комисија при ФПСМ и ПСЗ „Козјак“ - Прилеп

Наслов

Републички Едукативен Планинарски Камп - Дервен - 2016

Со задоволство Ви најавуваме дека оваа година ПСЗ „Козјак" - Прилеп и Младинска Комисија при Федерација на Планинарски Спортови на Македонија, повторно организира 3 дневна камп обука за млади планинари. Новост оваа година е тоа што кампот прераснува во Републички. 

Фотографија со учесниците на минатогодишниот камп, организиран во планинарскиот дом во Стровија

Оваа година при Младинската комисија на ФПСМ се донесе правилник за организирање на планинарски кампови и младински планински лидер. Секој учесник на кампот ќе може да се здобие со називот младински планински лидер со учество на кампови од ваков тип и учество на повеќе планинарски акции Овој камп е прв од таков вид на кој младите ќе можат да покажат што се знаат и да се здобиат со називот прво „бронзен даб", потоа „среберен даб" , „златен даб" и на крај младински планински лидер.

Кампот е организиран со цел да ја вградиме љубовта кон планината и природата кај помладите, да ја научат планината нејзините убавини и опасности. После овој камп секое дете кое сака да планинари ќе знае како најдобро да се подготви, ќе научи која храна е најдобра да се консумира за време на планинарска акција. Исто така кампот има еколошка цел. Ќе ја поттикнеме и свеста кај помладите за зачувување на природата и нејзините убавини кои во Македонија се со непроценлива вредност.

Обуката опфаќа теоретски и практичен дел. Дел од теоријата ќе учи преку игри.
Предавањата ќе ги вршат врвни и искусни планинари. Ќе се учи палење на оган, врзување на јазли, подготовка за на планина, потребна облека и обувки во зависност од временските услови, ќе се изучува ориентација, маркација, прва помош, опасности во планина, ќе се изучуваат и флората и фауната што се застапени во Македонија, метеорологија, тренинг итн.

Кампот ќе се одржи од 1ви до 3ти јули 2016 година вопланинарскиот дом Дервен кој се наоѓа над прилепското вештачко езеро. Доколку се влошат временските услови, кампот се преместува во ман св. Ѓорѓија - Присад во непосредна близина на домот.
Учесниците ќе спијат во шатори.

Мотото на овој камп е : ОМАСОВУВАЊЕ НА ПЛАНИНАРСТВОТО, ДРУЖБА и ЕДУКАЦИЈА

Право на учество имаат млади од цела Македонија на возраст од 12 до 18 години

Организаторот обезбедува храна за секое дете. Во петок на 01.07.2016 започнуваме со ручек и во недела на 03.07.2016 кампот завршува со ручек.

НАПОМЕНА :
БРОЈОТ НА УЧЕСНИЦИ Е ОГРАНИЧЕН !!!

1. Секое дете што сака да учествува потребно е да достави потврда од матичен лекар за здравствена состојба.
2. УЧЕСТВОТО НА ОВАА ОБУКА Е 600 ДЕНАРИ.
- Средтсвата за учество се уплаќаат на жиро - сметката на ПСЗ „Козјак" - Прилеп :
300020000167457 - Комерцијална Банка.
3. Секој родител треба да потпиши согласност.
4.ОРГАНИЗАТОРОТ ОБЕЗБЕДУВА ХРАНА ЗА СЕКОЕ ДЕТЕ.
5.Секој учесник ( или заеднички 2-4 ) е потребно да понесе свој шатор и подлоги за спиење. Оние што нема да можат да обезбедат свои шатори е потребно да пријават најкасно до 22 јуни со што организаторот би можел да обезбеди за нив но не за секој.
6. Секој учесник е потребно да носи своја вреќа за спиење заради лична хигиена.
7. Секој учесник да понесе батериска ламба или свеќа.
8. Рок на пријавување најкасно до понеделник 27.06.2016
9. Состанок со родителите и со пријавените учесници во среда на 29.06.2016 во просториите на клубот во старата зграда на Водовод , позади старата општина, во 18 часот.
10. Без доставена копија од уплатница и потврда од матичен лекар, детето нема да смее да учествува.!

Кампот ќе биде обезбедуван од страна на старите планинари од ПСЗ „Козјак" - Прилеп кој ќе стражат и ноќе !

За повеќе информации и пријавување :

bstanimirovikj@gmail.com , prilep.psd.kozjak@gmail.com
или
075/ 609 - 821 , 078/ 408 - 427 - Бојан

13 Мај 2016

За авторот