Пастите за заби кои се продаваат во нашите маркети се преполни со токсични состојки и се спакувани во пакувања кои не се рециклираат. Доколку во составот наидете на едно од следниве состојки бидете сигурни дека тие се токсични: Fluoride, Triclosan, Saccharin, Carrageenan, Aspartame, Parabens (Methylparaben, Ethylparaben, Isobutylparaben, Propylparaben, Butylparaben, Isopropylparaben, Benzylparaben.), Sodium Lauryl Sulfate, Sodium Laureth Sulfate, Propylene Glycol.

Природната паста не содржи ниедна од овие состојки, одлично ги мие забите, вкусот и текстурата се многу блиски до конвенционалните пасти и не создава отпад.

Потребни состојки:

250 гр. зелена глина за орална употреба – можете да ја најдете во БиоКулт, Виталија (има најлонско пакување во картонското) и продавници за здрава храна.

2 лажици кокосово масло – можете да го најдете во сите поголеми маркети и ДМ дрогерии во стаклено пакување

2 лажици бадемово масло – можете да го најдете во сите аптеки во стаклено пакување.

10 капки есенцијално масло по ваш избор (ментол, еукалиптус, лимон, комбинација од повеќе различни) – можете да ги најдете во продавниците на LaCha/ LaSoy.

Вода по потреба.

Природната глина содржи минерали кои кога се во допир со метал се деактивираат, затоа при подготовката не користете метален прибор и доколку носите прстени извадете ги.

Подготовка:

Во керамички или стаклен сад ставете ја глината, во неа додадете ги маслата (кокосовото масло треба да биде растопено), потоа додадете го есенциалното масло и промешајте. Додавајте вода додека мешате се додека не ја добиете посакуваната густина. Количината која ќе ја добиете заменува повеќе од 2 пакувања конвенционална паста за заби и при користење ќе забележите дека е потребно помала количина за да се измијат забите.

Продолжете да танцувате во ритамот на природата!

Оргиналниот блог објавен на „Во Ритамот на Природата”