Пред некое време Дејв Најс се гледал со некоја девојка од гратчето Канаб во Аризона. Дејв живее во градот Колорадо Сити и секојпат кога одел да се види со девојката тој го патувал со точак.

Но, она што е интересно е тоа што (1) прво: од Колорадо до Канаб има 60 километри и (2) второ тој вози еднобрзинец (фикси). Дејв не вози кола!

Во 2006 тој станува првиот човек кој успева да ја извози 110 километарската маунтинбајк трка Laramie Enduro на фикси, а пред да стигне на стартната позиција тој веслал 210 километри од Денвер.

Ја има возено TourDivide шест пати. Тоа е најдолгата off-road рута во светот која оди од Канада некаде до Мексико, а во 2012 има поставено рекорд со неговиот еднобрзинец.

Дејв (како што го нарекуваат, Фикси) не вози кола и скоро сите поминати километри му се на велосипед. И изгледа како најобично типче на точак. Најчесто носи најобични кратки пантолони, а не фенси опрема од ликра бидејќи сака луѓето што ќе го видат да се убедат дека не е потребна скапа опрема и облека за да се вози точак и да сфатат дека и тие би можеле да го прават тоа.

Што чекате, сите на бајк!