Чинијата со која ќе трчате на макс

Кога некој брка добри резултати на било каков натпревар добрата нутриција е стартната точка од која треба да се тргне. Без коректна исхрана, човек може да се истошти за краток временски период, а резултатите ќе бидат тешки за достигнување. 

Прво и основно, заборавете го Аткинс и сличните на него ако сте било каков спортист. Вашето тело има потреба од јаглехидрати кои го снабдуваат телото со гликоген и остатокот го претвора во резервен гликоген. Таа количина на расположлив гликоген, всушност диктира колку долго ќе можете да издржите на поле. Најчесто, доколку 45 до 65% од калориите доаѓаат од јагленохидрати се смета за оптимална енергија кај повеќето спортисти пред натпревар.

Но, доколку сте спортист кој активно се натпреварува повеќе од 90 минути, тогаш пожелно е да додадете екстра јагленохидрати во чинијата. Понекогаш, препорачани се и до 70% од калориите да доаѓаат од јагленохидрати во овој циклус на „натрупување” на шеќери.

За максимална нутриција одберете јаглехидрати од овошје, тестенини (житарки), зеленчук. За време на натпреварот дозволени се шеќери со висок гликемичен индекс за чиста форма на енергија.

 

Протеинот е целосно задолжен за градење и репарирање на мускулната маса и ткивата, па потребите на атлетите се малку поголеми. Сепак, нема потреба од оптоварување со повеќе протеин од потребното пред натпреварување. Во зависност од интензитетот на натпреварот или тренингот спортистите треба да внесуваат различни количини на протеини (за тоа малку повеќе тука во делот за дневни потреби).

И за крај, најбитниот за една спортист е секако водата. Без правилно хидрирање, луѓето за време на активностите губат енергија и фокус многу брзо. Препорачани се пиење на големи количини на течности на денот пред натпреварот, пиење на 2 до 3 мали чашки (250 мл.) вода со оброкот кој претходи на евентот, уште две чашки два часа пред натпреварот, а после уште 2 пола час пред почетокот. И сè уште не сте готови. И за време на натпреварот гледајте редовно да се хидрирате со студени напитоци, бидејќи тие се апсорбираат побргу од топлите.

Додека водата е избор на течност во повеќето случаи, доколку вежбате повеќе од 90 минути можно е да ви се потребни изотоници за балансирање на загубените електролити.

Автор

Igor Jovanovski

Скопје

Македонија