Без рецепт со Донев
Компир салата

Ова е класична компир салата, едноставна за подготвување и супер за во лето и зима, со рипче или мевце, со вино и ракија и секако добро друштво.
Баш затоа и ја сакам.
- Компир
- Кромид
- Маслиново масло
- Сол и бибер
- Љубов
Многу лесно.
1. Го вариме компирот во голем сад, вода ставаме доволно за да го прекриеме компирот. Една финта за проверка кога е сварен компирот, со вилушката го боцкаме убаво и ако успееме да ја подигнеме без компирот значи дека е таман сварен.
2. Го сецкаме на кругчиња или кој облик и да ви прави мерак.
3. Го додаваме претходно исецканиот на кругови кромид. Може да додадеме и млад кромид како јас во случајов чисто онака да биде поинтересно со зелената боја.
4. Зачинуваме по желба со сол, бибер, јаболков оцет и маслиново масло. Прво секогаш ставајте го јаболковиот оцет затоа што полесно го абсорбира компирот пред да го ставиме маслото.
Да не повторувам дека салатава оди во секаква комбинација и ако ви остане покрите ја со фолија, ставете ја во фрижидер и слободно конзумирајте ја и во наредните 2 дена. Може да ви биде и уште по вкусна.