Словенија да ви каже за спорт и туризам
12:00 - 15 Фев 2019
Кратко промо видео за домаќинот на ФИС Светскиот шампионат во нордиско скијање 2023 кој минатата година некаде во мај се изгласа дека ќе се одржи во Планица, Словенија. Воедно и едно многу реално отсликување на менталитетот на овој народ кој секогаш е спортски позитивно настроен, борбен, посветен и живее во чекор со природата во чиста и прекрасна средина.
Долината Планица е позната како лулка на ски скокалниците и претставува историско место за овој спорт. Првата скокалница е изградена во 1930 година на падините на планината Понча, а во 1934 година Станко Блоудек ја конструира Блоудекова Великанка на која за прв пат, од страна на австриецот Јозеф Брадл е постигнат скок подолг од 100 метри. На истото место во 1994 година за прв пат е постигнат скок од над 200 метри од страна на Тони Ниеминен – 203 метри, а своевремено на оваа скокалница се поставени дури 40 рекорди.
Во 2013 година владата на Словенија донесува одлука Планица да се претвори во модерен центар за нордиски спортови, а во мај 2018 година тие се прогласени за домаќини на Светскиот Шампионат во нордиско скијање 2023 година.
