Herstory – најава за прва сезона
Првата сезона на документарниот проект HerStory е веќе онлајн и може да се погледнат одлично прикажаните женски портрети на спортистки и авантуристки кои го следат својот сон во полето на планинските спортови.
Вториот трејлер за првата сезона на HerStory е веќе објавен, а во истата ќе се обработат ликовите на Илина Арсова, Ута Ибраими и Аргиро Папатанасиу.
Видеото од оваа сезона посветено на Ута Ибраими – првата жена Албанка цели кон искачување на сите врвови над 8000 метри, а досега ги има комплетирано Еверест, Лотце, Чо Оју и Манаслу, имаше премиера на деветото издание на фестивалот за планински филм ЕХО каде ја доби наградата за најдобро кратко видео.
Истото може да го погледнете на следниот линк, а во очекување сме на следните епизоди.
https://vimeo.com/302597473 autoplay:0
Целта на серијалот ќе биде да се прикаже нееднаквата полова дистрибуција на жените во планинските спортови кои се застапени со само 10% (па дури и помалку) од бројката на мажи во овие спортови. Начинот на кој ќе се прикаже оваа разлика ќе биде преку интересните и мотивирачки приказни за посветеноста и желбата за успех на овие жени.