ЦУБАЛЕВСКИ ЈА ПРЕТСТАВУВА МАКЕДОНИЈА НА ,,ВОЈВОЏАНСКА ЗЛАТНА РАКАВИЦА “
Цубалевски ја збогатува кариерата со настап на светско ниво
12:00 - 06 Јул 2018
Боксерската репрезентација на Македонија ќе учествува на меѓународниот турнир „Војвоџанска златна ракавица“ во Суботица – Србија , на овој турнир ќе земат учество 22 светски репрезентации. Како член на репрезентацијата ќе оди и нашиот боксерски судија Стефан Цубалевски. Се очекува Цубалевски во најдобро светло да ја претстави судиската комисија при БФМ .
Стефан Цубалевски е судија кој има искуство на меѓународната и домашната боксерска сцена, воедно тој беше прогласен и се закити со пехар за најдобар боксерски судија на меѓународниот боксерски турнир „МЕЧ НА ШАМПИОНИТЕ”.
Во Суботица Цубалевски ќе ја дели правдата со колеги од светските боксерски велесили како Аргентина, Хрватска, Чешка, Финска, Франција, Германија, Грција, Унгарија, Србија, Словачка, Словенија, Чиле итн.
