Шитаке паштета

12:00 - 23 Окт 2015

Еве една поинаква консумација на хранливите шитаке печурки. Се мачка на што било, но и така се јаде.

 
  • 1 канче шитаке печурки (500г)
  • 1 шолја ореви
  • 1 среден кромид
  • 1 лажица хималајска сол
  • 1 каф. лажиче бибер
  • 3 чешниња лук
  • магдонос
  • босилек
  • маслиново масло
 

ПОДГОТОВКА
 

1 Печурките и кромидот се запржуваат со малку масло во соодветна тава што не лепи.

2 Кога малку ќе омекнат им се додава лукче, магдонос, босилек, сол и бибер.

3 Кратко се мешаат и се тргаат на страна да се оладат.

4 Оревите можете да ги запечете во рерна 5 минути на 150 степени, но и не морате. 

5 Се мешаат оревите и останатите состојки и се блендираат додека не се добие скоро хомогена смеса – паштета.