Lavaredo Ultratrail претставува настан составен од неколку планински трки кои се трчаат околу планинскиот венец на Доломитите, поконкретно во регионот Кортина Д’Ампецо и националниот парк Тре Чиме. Настанот се смета за еден од најубавите и најинтересните трки во планинско трчање во Европа и несомнено претставува празник во летниот период за овој регион во кој спортскиот туризам е развиен на високо ниво.

Настанот е составен од три трки кои се одвиваат во последниот викенд од јуни, Лаваредо Ултра Треил, најтешката но и најатрактивна 120 километри долга планинска трка која искачува 5,850 метри висина и поминува низ најубавите предели на два национални паркови и околу самата Кортина. Кортина Треил, помалото сестриче на Лаваредо која е со должина од 47 километри и 2650 метри висинска разлика и Кортина Скајрејс со должина од 20 километри и 1000 D+.

Оваа година во дружба на едни од најдобрите планински тркачи на светот ќе биде и македонската шестчлена екипа на TREX и ПСД Макпетрол која ќе настапи дел на Лаваредо, дел на Кортина.

Тања Пенева, Јовица Јованчев и Дејан Крле кои ќе учествуваат на Лаваредо и Тања Манчева, Мартина Милева и Игор Јовановски кои ќе бидат дел од Кортина Трејл. Стартот на Лаваредо е вечерва, петок 26.06 во 23 часот, а на Кортина е утре 27.06 со старт во 8 часот. Тимот е придружен и од екстремно важната логистика составена од Христена Јованчева и Лазе Здравев.

Сите кои се заинтересирани за следење на резултатите во живо (од контролна до контролна точка) можете да побарате на следниот ЛИНК.

Атмосферата овие денови пред трката и во тимот е одлична, Кортина врие од убави ликови и енергија од целиот свет и сите се во исчекување на стартот. После подигнување на бројчињата тимот имаше можност да се сретне со Тимоти Олсон и Фернанда Мациел едни од главните фаворити во конкуренција за Лаваредо.

Од првиот впечаток при запознавањето со овие атлети и големи спортисти тимот беше воодушевен од нивната скромност и едноставност. Овој дел од репортажата од Доломитите го завршуваме со мисла од Тимоти Олсон за овој спорт:

„Трчањето е мојата уметност, а планините моето платно. ”

Во продолжение погледнете го видеото од минатата година да добиете осет за што се работи 

Плус уште некоја фотка