Со претходните акции за садење, „Уметност на Живеење Македонија” веќе имаат посадено над 10 илјади дрвца низ градовите во Македонија, кои ќе пораснат и ќе бидат новите бели дробови за прочистување на воздухот, затоа повикуваат сите заедно со здружени сили да придонесеме Македонија да биде и остане зелена и чиста.

Настанот ќе се одржи во сабота, 18.04.2015 година, со почеток во 11:00 часот, во градинарскиот центар Фоја (ул. „Борис Трајковски” (поранешна Првомајска) – веднаш до фабриката Усје бр. 152 А, Скопје.)

„Ќе имаме можност да се дружиме, забавуваме, да научиме како се садат семки и како од една семка расте големо дрво. Ќе слушнеме и научиме уште многу други интересни работи…“

Целта е децата самите да засадат желад, да видат дека процесот на растење е дел од еден животен циклус и дека дрвјата се непроценливо богатство за кое треба сите ние да се грижиме.

Македонскиот даб е ендемски вид со посебни карактеристики и претставува вистинско природно богатсво на нашата Македонија. Името македонски даб го добива затоа што неговиот ареал е соодветен со територијата каде што со векови живее македонскиот народ.” – „Уметност на Живеење Македонија”

Настанот воедно доаѓа и како подршка кон глобалната акција за посадување 1 билион дрвја низ светот за денот на Планетата Земја, затоа ајмо на журка за садење македонски даб со најмладите.