Како до правилно чучнување?

1. Застанете во расчекорен став во ширина на колковите (некои деца имаат потреба да застанат пошироко и тоа е сосема во ред), прстите гледаат кон напред малку отворени нанадвор (на почетокот на децата им е полесно со отворени стапала), телото е исправено, рамениците се назад и доле, а погледот е насочен нанапред.

2. Почнете да се спуштате кон долу, истовремено носејќи го задникот кон назад (кажете им на децата да си замислат дека сакаат да седнат на столче); при спуштањето колената се отвараат кон надвор следејќи ја линијата на прстите; стапалата остануваат залепени на земја.

3. Што се однесува до горниот дел, трупот е стегнат, рамениците се назад и доле (изпружувањето на рацете нанапред ќе помогне во ова), градите се „спуштени” доле во линија со карлицата, а главата во неутрална позиција со погледот насочен кон напред и долу.

4. Движењето заршува кога колкот ќе дојде под колената; од оваа позиција почнете да се кревате кон горе, притоа одржувајќи добра позиција на телото.

Најчести грешки кои се јавуваат при изведување на чучнувањето

• Искривување во грбот (особено во горниот дел) – доколку овој проблем не можете да се отстрани само со воочување и давање инструкции, тогаш е време за чучнување покрај ѕид (wall squat) – детето е свртено кон ѕид со подигнати раце и поставени на истиот. Од оваа позиција се изведува чучнување, а притоа рацете остануваат на ѕидот подигнати нагоре. Ова ќе овозможи зголемување на мобилноста во горниот дел на грбот.

• Одвојување на петите од под – овој проблем најчесто се анулира со раширување на нозете; посочете им дека колкот треба да оди кон долу и назад, а не само долу;
Без разлика за која грешка станува збор потребно е време и упорност за истата да се корегира. Затоа на почетокот внимавајте да преовладува квалитетот наспроти квантитетот со цел правилно совладување на техниката.